همسات راقية
*******
الدولـــة : 
الجنس : 
عدد المساهمات : 1450
المزاج : متفائلة
تعاليق : لا تندمن على حسن الخلق ولو اساء اليكم الناس
فلإن تحسنن ويسيئون خير من ان تسيئ ويسيئون
 | موضوع: يا حسرة عليك يا دنيا...  السبت 11 يونيو 2011 - 8:38 | |
| اغنية جزائرية تهبل من اداء الفنان الرائع الراحل كمال مسعودي مؤثرة وفيها عبر بزاف انا نحبها ونتمنى تحبوها ورح تلقوا شرح الكلمات المسطرة اسفل الموضوع باش يوصل المعنى [ندعوك للتسجيل في المنتدى أو التعريف بنفسك لمعاينة هذه الصورة] يا حسرة عليك ياالدنيا فيك حكاية وحكايات ساميني وقعدي حدايا واحكيهم لي بثبات علاش هكذا حاقدة وسمية تظلي تبدلي في الصفات تعذبي فيا غير بشوية عييت من عذابك براكات تلعبي بيا والا معايا جاوبيني علاش هاذ السكات قالوا لي عليك مسرحية وانا المسرح سكن لي في الذات التذكيرة خلصتها غالية اديت معايا شي وردات دخلت للقاعة صفقوا عليا طلع ستار والضو طفات لقيت روحي في تمثيلية والديكور خوف ودموع طمعتيني ودرتي علي عندي جدي بالصحبات يا حسرة عليك ياالدنيا فيك حكاية وحكايات ساميني وقعدي حدايا واحكيهم لي بثبات علاش هكذا حاقدة وسمية تظلي تبدلي في الصفات تعذبي فيا غير بشوية عييت من عذابك براكات شحال من سلطان كان في دنيا جيوش الامر وطيعات مال وعز قصور وسرايا العسة عليه بالالوفات غفل غفلة تقلبت الحية فليلتو مالقى وين يبات وكلتي فلان عسل وفاكية وفلان شمختي لو الفتات فلان قلعتيلو الذرية وحياتو من الفرحة خوات فلان طلق مرتو المسكية زعف كي جابت لو البنات يا حسرة عليك ياالدنيا فيك حكاية وحكايات ساميني وقعدي حدايا واحكيهم لي بثبات علاش هكذا حاقدة وسمية تظلي تبدلي في الصفات تعذبي فيا غير بشوية عييت من عذابك براكات المسجون يرجى الحرية بالدقيقة يحسب لوقات الشهار يحلم بالشهرية يا حليلو مولى وليدات كبدة لميمة مشوية على واش سهرت واش ربات على وليدها بدل الجنسية عجبو زين الروميات خلى يماه وحدانية من الحرقة والبكا تعمات باش يبين الرجولية بعث لها زوج محرمات يا حسرة عليك ياالدنيا فيك حكاية وحكايات ساميني وقعدي حدايا واحكيهم لي بثبات علاش هكذا حاقدة وسمية تظلي تبدلي في الصفات تعذبي فيا غير بشوية عييت من عذابك براكات نهار كانت الدنيا دنيا الوالدين علقوا لهم شيعات اليوم الوالدين راهي مرمية في مراكز الشيخوخات انتي دنيا يدك زهرية انا يدي فيها الكيات مع الواقف درتي جمعية سماها دخلات وخرجات القليل بعثتي لو خطية جا يصلي تلفتلو الصلاة كي سلم انسى التحية وكي تحى نسا زوج ركعات يا حسرة عليك ياالدنيا فيك حكاية وحكايات ساميني وقعدي حدايا واحكيهم لي بثبات علاش هكذا حاقدة وسمية تظلي تبدلي في الصفات تعذبي فيا غير بشوية عييت من عذابك براكات المال فاني والعظام راشية فاتت اجناس وتمحات اللي كان تقي ودار النية طاع ربي وشد في الصلاة درجته في الجنة عالية صفة الجنة درجات والشاقي يمضي النهاية ذاتو بالنار تكسات جلدة رايحة وجلدة جاية يظل يبدل في الجلدات نصيحتي نتركها التالية باش نختم بيها لبيات يا حسرة عليك ياالدنيا فيك حكاية وحكايات ساميني وقعدي حدايا واحكيهم لي بثبات علاش هكذا حاقدة وسمية تظلي تبدلي في الصفات تعذبي فيا غير بشوية عييت من عذابك براكات دعوة الوالدين رسمية منهم الشر والخيرات الهنا كنز والصحة غالية والباقي كله كذوبات ياسين ارسلها تحية وامضى فيها بشي دمعات بعثها كمال مسعودي برية قراها قيتار وألات والصلاة على نور عينيا سيد الخلق يا سادات شكون اللي نجا منك يا دينا غير اللي طلقك بالثلاث يا حسرة عليك ياالدنيا فيك حكاية وحكايات ساميني وقعدي حدايا واحكيهم لي بثبات علاش هكذا حاقدة وسمية تظلي تبدلي في الصفات تعذبي فيا غير بشوية عييت من عذابك براكات [ندعوك للتسجيل في المنتدى أو التعريف بنفسك لمعاينة هذه الصورة] مع شرح بعض المصطلحات للتوضيح ساميني وقعدي حدايا=اقعدي جنبي علاش = ليش سِِمية = شريرة غير بشوية = بس بالشويش عييت = تعبت براكات = بيكفي خلصتها = دفعت ثمنها اديت معايا = اخذت معي شحال من سلطان = كم من سلطان العسة = الحراسة الحية = الوضع وكلتي = اكلتي شمختي = بللتي قلعتيلو الذرية = حرمتيه من الخلفة خوات = فرغت زعف كي = زعل لما الشهار = هو الي ياخذ راتب شهري (الشهرية) يا حليلو = ياويلو يماه= امو تعمات = صار عندها عما باش = عشان درتي = عملتي خطية = خطيئة تلتفتلو = غابت عليه كِي = لما تمحات = انمسحت دارالنية = عمل النية = نوى على شي كويس برية = رسالة شكون = مين [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]اتمنى تعجبكم سلاااااااااااااااامي | |
|
karim
*
الدولـــة :
الجنس : 
عدد المساهمات : 1455
المزاج : متفائل بالحياة
تعاليق : ليس المهم أن تكون صديقي بل المهم أن تكون صادقا معي
سلام على الدنيا إذ ليكن بها صديق صدوق صادق الوعد منصفا
| | موضوع: رد: يا حسرة عليك يا دنيا... السبت 11 يونيو 2011 - 17:49 | |
| أيام الزمن الجميل
أيام الصدق و البراءة و النية
أيام الطفولة
يعني أحلى ذكريات العمر
أرجعتينا إلى أجمل الذكريات لراحت و ما توليش
أنا من محبي كمال مسعودي زمن الكلمة النقية
مشكووووووووووووووورة أختي همسات
ربي يحفظك
[img][ندعوك للتسجيل في المنتدى أو التعريف بنفسك لمعاينة هذا الرابط][/img] | |
|
سوار الياسمين
******
الدولـــة :
الجنس :
عدد المساهمات : 1198
المزاج : ألا بذكر الله تطمئن القلوب
| | موضوع: رد: يا حسرة عليك يا دنيا... السبت 11 يونيو 2011 - 18:29 | |
| الله يرحمه و يوسع عليه و يجعل مثواه الجنة
أغاني الراحل كمال مسعودي أغلبها تتميز
بالحكمة و العبرة و اللحن الشعبي الجزائري الجميل الأصيل
بارك الله فيكي أختي على عرضك لكلمات هذه القصيدة و تبيان معانيها
| |
|
همسات راقية
*******
الدولـــة :
الجنس :
عدد المساهمات : 1450
المزاج : متفائلة
تعاليق : لا تندمن على حسن الخلق ولو اساء اليكم الناس
فلإن تحسنن ويسيئون خير من ان تسيئ ويسيئون
| | موضوع: رد: يا حسرة عليك يا دنيا... الإثنين 13 يونيو 2011 - 0:47 | |
| مرسي
مروركم رائع زاد معنى القصيدة روعة على روعة
ان شاء الله ترجع كل الايام الحلوة بمعانيها | |
|
أهلا وسهلا بالجميع
