رحلة في عيون الاميره

رحلة داخل عيون الأميرة

العيون إتلاقت .... عينيه وعينيها
العيون إداخلت .. جوه بعضيها
عينيها ف عينيه .. وعينيه ف عينيها
عيوني بتتكلم .. وعينيها تلاغيها
عينيه راحت مني .. وسكنت عنديها
ما عدت شايف غيرها .. ولا أبص غير ليها
عشت رحلة جميلة .. للآن عايش فيها
شفت العيون الحلوة .. غنوة أغنيها
لمست إبتسامة صافية أعيدها وأحكيها
لقيت البراءة يا قلبي .. يا بخت إللي فاز بيها

***

دخلت عينيها لقيت .. محراب وعباده
وجموع متجمعة .. وقبلة وسجاده
سجدت ف المحراب .. ونطقت الشهاده
حسيت الجمال كله .. محلاها دي عباده
قربت عشان أشوف .. أكتر وأتمادي
قالت برقة .. وذوق .. كله بقي إلا دا
خريت ساجد تاني .. برضا وسعاده

***

رمشت بعينها يا قلبي .. والجفن غطي العين
في أقل من لحظة .. مرت علي سنين
لقيت نهر جميل .. والنهر له شطين
وميته حلوة ... شكله يسر العين
شربت منه كتير .. وأنا بملي بالكفين
ولقيت علي شطه .. صفصافة حزينه
الحزن ف عيونك .. إزاي يا مسكينه
عيون عجيبه صحيح .. فيها قلب زيي جريح
............لاكن .... مفيش تصريح

***

ياللي إبتسامتك أمل .. ينور طريق الناس
إنتي جمالك حصل .. بإيد فنان حساس
إنتي أميرة الجمال .. وجمالك بلا حراس
جمالك دايم فيكي .. مش ممكن نقوله خلاص

***

قلت لها بعيوني ... طالب منك وصال
وصلك دا أمنية .. والوصل ليا حلال
قالت لي مش ممكن .. لإني مشبوكه
قلت لها مبروك .. وشبكه مبروكه
وروحك تفضل هايمه .. ع الدنيا كلاتها
ولما تبكي عيون .. تمسحي دمعتها
وداع وداع يا غاليه .. والوصل ما بين العيون
موصول يا أميره .. ولا يمكن يوم يهون

***

رجعت عيني لعينيه ... ورجعت أعيش في الدنيا
وكأنه حلم جميل .. كان لحن أغنيه
يا ريتني أشوفها تاني .. وأتمني أمنيه

إن العيون تتلاقي .. عينيه وعينيها
وإن العيون تتداخل .. جوه بعضيها
عينيها ف عينيه .. وعينيه ف عينيها
...................................

نظرتْ إليَّ ودمعُها يترقْرقُ هَتفتْ بِحبِّكَ عاشَ قلبي يخفقُ

لا لمْ تقلها بلْ أنا أحْسَسْتُها مِنْ نظرةٍ كادتْ فؤادي تَخْرٍقُ

إن قُلتُ أهواها فَلسْتُ بِمُنْصِفٍ أو قلتُ لا أهْوى فما أنا صادقُ

هيَ همْستي هي بسْمتي هي جنْتي ولها بقلبي مخدعٌ وسرادقُ

من خدِّها تجني الزهورُ عبيرها فالفلُّ يكسو خدَّها والزَّنبقُ

وشقائقُ النعمان في وجناتها من بين زنبق خدِّها تَتَسلَّقُ

والليلُ من سودِ الذَّوائب عتمهُ والشمسُ من حسن المحيّا تشرقُ

ناجيتُها رفقاً بقلبي إنَّه قدْ باتَ من نار الهوى يَتَحرقُّ

إنْ لمْ تبوحي بالودادِ صراحة ألعينُ تُفصِحُ دونَ قوْلٍ تنْطِقُ

لغَةُ العيون دليلُ كل متيَّمٍ فَلْتشْهَدي أنّي لِطَرْفِكِ عاشقُ

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

[ندعوك للتسجيل في المنتدى أو التعريف بنفسك لمعاينة هذه الصورة]