الأخ و الصديق الدندراوي على كرسي الاعتراف

الأخ و الصديق الدندراوي على كرسي الاعتراف

أسعد الله أوقاتكم بكل خير

صباحكم حبٌ ووردٌ وياسمين
صباحكم نقاءٌ وطيبٌ آحبتي الغاليين

هانحن هنا اليوم نعود من جديد
لنلتقي على المحبة

نفرش الطريق بالورد ونعطر الكلمات بالمسك والعنبر
لنستقبل شخصية جديدة لامعة في منتدانا

هو شخصٌ لم يحتاج لتشجيع..
وشخصٌ مثابر..
مميز..
رائع..
له قوة وهيبة عندما يقدم ويطرح..
لهُ آسلوب مرح وآسلوب جميل

يحب كل شئ جديد ومتجدد ..
يحب خدمة هذا المكان بكل مايستطيع به لخدمته..
وهو بهذا يستحق كلمة شكر وآحترام.

اليوم يحل ضيفاً علينا..
في ضيافتنا المتواضعة..
نستقبل نجماً من نجوم
منتدى مرهف الإحساس للهمسات الراقية
نجماً حظينا بشرف إنضمامه إلينا ...
ونتمنى له مقدماً دوام آلنجاح وآلتوفيق.

رحبوا معي

بصاحب القلب الكبير

و الأخ و الصديق

الدندراوي

نتمنى لك طيب الاقامه معنا

حبيت اضمن لك كرسى مريح للغاية علشان ما تتعب حالك
ومكان مريح للاعصاب

[ندعوك للتسجيل في المنتدى أو التعريف بنفسك لمعاينة هذا الرابط]

أتمنى لك اقامة سعيدة بيننا
حياك الله
أحبائي الأعضاء تفضلوا بأسئلتكم

وماوصيكم كثرو الاسئله

:D :D :D

شكرا اخي كريم على هذه المقدمة الجميله

وبجد انت انسان تستحق الاحترام والتقدير وانا سعيد بوجودي على الكرسي

بس اوعه تكونو حاطين عليه ماده لاصقة

وعلى العمةم انا مستعد للانطلاق

[ندعوك للتسجيل في المنتدى أو التعريف بنفسك لمعاينة هذا الرابط]

فين اسئلتكم يا أعضاء

انا رجعت ثاني و لكن هالمرة باسئلتي

-صف لنـا نفسـك فى سطريـن ...يعنى بلاش 3 عشان الصفحه تكفى ؟

-حكمتك فى الحـياه ..؟

-قرار أتخذته وندمت عليه فيما بعد .. ماهو .. ومتقولش مندمتش؟

-ماهى التجربه التى تتمنى أن تكررها ...؟

-ماشعورك عندما تواجه شخص لا يستطيع فهمك وبتتصرف معاه ازاي؟

-ماهى أصعب اللحظات التى تحس فيها بالعجز عن التعبير ..؟

-ماهو مبدأك فى الحياه ..؟

-أيه هو الحلم اللى تتمناه وانت على يقين أنـه لن يتحقق ..؟

-حاسس بأيه وانت على كرسى الأعتراف؟؟

-ايه اكتر حاجه بتحبها فى المنتدى,,؟

-وايه اكتر حاجة مش بتحبها فى المنتدى,,؟

-ايه النصيحه الى بتقدمها لاعضاء منتدانا بشكل عام ؟

-لما بتكون حزين جداً بتحكى لمين ولا بتفضل الكتمان او الوحده؟

-امته بتسمع العباره دى(بالرغم ان ضحكتك مش بتفارق عيونك بس بحس ان جواك حزن عميق ) يا ترى ليه,,؟

-اذكر تاريخ يوم مش هتنساه طول عمرك؟؟ وليه ؟؟

-لو انته عاوز تبكى .. ( ربنا يبعد عنا الحزن ) مين أول شخص بتفكر فيه ..؟؟

-في وسط فوضى الحياه ما الذى يرسم لـك البسمه ..؟؟

عتاب لشخص قدملك الاسيه ؟
-نظرة جميله لمن تعطيها؟
-نظرة ضيق لمن تعطيها ؟
-هل الفرحه تدوم اكثر من الحزن عندك؟
-ما الشىء الذى تعطى له اكثر اهتمام فى حياتك؟؟؟

يارب ما اكون ثقلت عليك يا أخي أبو محمد

لي عودة مع أسئلة أقوى

نـ الجنس : عدد المساهمات : 65

السلام عليكم

الدندراوى الغالى

عرفنا بنفسك؟

ما هى الصداقه بالنسبالك؟

فى اى شى تقدى وقتك ؟

هل وقت فراغك تقديه على النت ام فى شى اخر؟

عندك ثلاث هدايه الى من ترسلهم فى المنتدا؟

من اقرب واحد الى قلبك؟

من الشخص الذى ترتاح اليه فى دنياك؟

من الانسان فى حياتك تحتاج ان تشكره ؟

ما رايك فى هذا المنتدا ؟

كفايك كدا

اولا شكرا اخي كريم على الاستضافة الجميله دي وانا مستعد لاي اسئله او استفسار

ويارب تتقبلو اجابتي بصدر رحب
اولا صف لنـا نفسـك فى سطريـن ...يعنى بلاش 3 عشان الصفحه تكفى ؟

نسان بسيط جدا احب المرح والاصدقاء حساس زياده شويه لدرجة اني لو سمعت فيلم فيه منظر حزين ممكن ابكي كلطفل الصغير ( واسالو محمد المصري )

-حكمتك فى الحـياه ..؟

معرفة الرجال تجارة ومعرفة النساء خساره ومعرفة الديار اماره

-قرار أتخذته وندمت عليه فيما بعد .. ماهو .. ومتقولش مندمتش؟

بصراحه ما باخذ قرار واندم عليه لاني بجد بادرس الموضوع قبل اتخاذ القرار

-ماهى التجربه التى تتمنى أن تكررها ...؟
هههههههههههههههههههههه
طبعا الزواج

-ماشعورك عندما تواجه شخص لا يستطيع فهمك وبتتصرف معاه ازاي؟

فيه من الناس دي كتير وباعاملهم حسب عقولهم علشان كده تلاقي اصحابي كتير ومفيش حد بيزعل مني

-ماهى أصعب اللحظات التى تحس فيها بالعجز عن التعبير ..؟

عندما اري اي انثى تبكي

-ماهو مبدأك فى الحياه ..؟

لو وعدت لازم اوفي بالوعد باذن الله

-أيه هو الحلم اللى تتمناه وانت على يقين أنـه لن يتحقق ..؟

انا احلامي بسيطه
بس باحلم اني اكون وسط اولادي واهلي في مصر ويكون فيه زوجه تانيه

-حاسس بأيه وانت على كرسى الأعتراف؟؟

زي احساس اي شخص لما بيكون في الربيع على البحر وسط الزهور قبل المغرب بساعه او قبل شروق الشمس مع اعز انسان عنده

-ايه اكتر حاجه بتحبها فى المنتدى,,؟

الاصدقاء

-وايه اكتر حاجة مش بتحبها فى المنتدى,,؟

انه همسات قاعده لنا بالمرصاد

-ايه النصيحه الى بتقدمها لاعضاء منتدانا بشكل عام ؟

والله ياريت الكل يتعرف على بعض عن طريق غرفة الدردشه بالمنتدى او يحدد يوم لكل الاصدقاء يكونو موجودين بغرفة الدردشة

-لما بتكون حزين جداً بتحكى لمين ولا بتفضل الكتمان او الوحده؟
لما باكون حزين باحكي لاول شخص اقابله وما باحب اكون لوحدي بل احب ان اكون وسط الناس

-امته بتسمع العباره دى(بالرغم ان ضحكتك مش بتفارق عيونك بس بحس ان جواك حزن عميق ) يا ترى ليه,,؟

كانت دايما تقولهالي امي او زوجتي او اختي لانهم الوحيدون اللي باخفي عليهم حزني بس بيحسو بي

-اذكر تاريخ يوم مش هتنساه طول عمرك؟؟ وليه ؟؟

كان يوم 5\5\2005 موافق يوم الخميس الساعة 5 اتصلت على زوجتي وقلتلها اجمل ساعه واجمل يوم واجمل سنه في حياتي دي تعرفي ليه
قالتلي ليه قلتلها اليوم ده مش بيفكره بحاجه قالتلي لا
قلتلها النهارده عيد ميلادي
وكل الارقام فيها رقم 5
قالتلي اااااااااااااااااه طيب كل سنه وانت طيب
-لو انته عاوز تبكى .. ( ربنا يبعد عنا الحزن ) مين أول شخص بتفكر فيه ..؟؟

والدي الله يرحمه

-في وسط فوضى الحياه ما الذى يرسم لـك البسمه ..؟؟

عندما ارى انسان لايبالي بما حوله

عتاب لشخص قدملك الاسيه ؟

ابن اختي
-نظرة جميله لمن تعطيها؟
لامي وزوجتي واولادي

-نظرة ضيق لمن تعطيها ؟

لواحد بياجي يسهر عندي وبعض الاوقات بيبات وبيكتم على نفسي هو عارف نفسه

-هل الفرحه تدوم اكثر من الحزن عندك؟

الحمد لله اه الفرحه كتير في حياتي
-ما الشىء الذى تعطى له اكثر اهتمام فى حياتك؟؟؟

العمل

وعليكم السلام ورحمة الله وبركاته

والله يا محمد انا كنت خايف منك بس انت طلعت طيب علشان كده حاجاوبك

عرفنا بنفسك؟

انا عبدالحي دندراوي خليل

خريج اثار قسم ترميم هاوي الرسم والنحت والاعمال اليدويه

ما هى الصداقه بالنسبالك؟

اجمل شئ بالدنيا

فى اى شى تقدى وقتك ؟

وقت الفراغ باقضيه على النت بعد انتهائي من العمل

هل وقت فراغك تقديه على النت ام فى شى اخر؟

طبعا على النت او في المطبخ

عندك ثلاث هدايه الى من ترسلهم فى المنتدا؟

التلات هدايا مش كافيين يا محمد وبطل احراج

من اقرب واحد الى قلبك؟

ابني محمد

من الشخص الذى ترتاح اليه فى دنياك؟

والله انت عارف يا محمد انت اقرب شخص وباحكيلك كل اسراري

من الانسان فى حياتك تحتاج ان تشكره ؟

بجد بجد بجد احب اشكر ناس كتير

اولا اشكر اختي همسات اللي عرفتنا بالناس الحلوه دي واشكر واحد صديق عزيز على قلبي اسمه محمد برطوع

ما رايك فى هذا المنتدا ؟

المنتدى جميل وكل المشتركين فيه زي العسل

وهاهي همسات الواقفة بالمرصاد على راي ابو محمد
:bball:

واسئلتي من غير اطالة هي
الصداقة بتعنيلك ايه في حياتك
طبعا واضح ان صديقك المقرب هو محمد المصري، واكيد بحكم خفة دمك عامل فيه مقالب كثير
اذكرلنا اطرف واحد فيهم اذا مش حيزعل محمد طبعا
اكبر خلاف صار بينكم واتحل ازاي
واضح من كلامك كمان انك عاوز زوجة ثانية...
برايك ايه الاسباب الي تخلي الازواج يعيدوا الزواج مرة ثانية وثالثة ورابعة
وبعيد عن الكلام المعهود انها مش تهتم بزوجها
يعني كون واضح واذكر الاسباب بكل مصداقية الي تخلي الزوجة تهمل زوجها او تكرهوا او تبعد عنو

الصداقة بتعنيلك ايه في حياتك

الصداقة في حياتي هي اهم شئ

طبعا واضح ان صديقك المقرب هو محمد المصري، واكيد بحكم خفة دمك عامل فيه مقالب كثير
اذكرلنا اطرف واحد فيهم اذا مش حيزعل محمد طبعا

هههههههههههههههههههههههههههههههههههههههههههه

بجد ضحكت من كل قلبي والله انا بصراحه عملت فيه مواقف كتير وللحين وانا اعمل فيه مواقف

بس المشكله انها مواقف ما تتحكي خالص واكيد هو لما يقرا السؤال ده حيضحك

اكبر خلاف صار بينكم واتحل ازاي

هو صديق الطفوله وبجد حتى الان لم نختلف اطلاقا وما اتعتقد اننا نختلف في يوم من الايام

واضح من كلامك كمان انك عاوز زوجة ثانية...
برايك ايه الاسباب الي تخلي الازواج يعيدوا الزواج مرة ثانية وثالثة ورابعة

والله كل واحد وله اسبابه الخاصه

بس من اهمها الاهمال بعد انجاب الاطفال

وبعيد عن الكلام المعهود انها مش تهتم بزوجها
يعني كون واضح واذكر الاسباب بكل مصداقية الي تخلي الزوجة تهمل زوجها او تكرهوا او تبعد عنو

ايه اللي يخلي الزوجه تهمل زوجها ده موضوع طويل وان شاء الله حانزله موضوع بالمنتدى

وشكرا يا اختنا همسات لاستلتك السهله

ها قد عدت من جديد أخي أبو محمد

يلا نبدأ : بسم الله الرحمن الرحيم

- ماهو تقييمك لهذا المنتدى بصراحة ؟

- ما هو اقتراحك الذي تتمنى ان يحدث في هذا المنتدى ولم يحدث الى الان ؟

- هل ملابس الشخص امامك تؤثر فيك لتأخذ عنه انطباع ؟؟

- ماالذي يلفت انتباهك بسرعة في المرأة لكي تعجب بها ؟

- ما هو اكتر شئ بتخاف منه ؟

- هل بيهمك راي الناس فيك ؟

- هل دائما بتتعامل بطبيعتك ؟

- ما هو اكتر شئ بتتمنه غير تحرير فلسطين وان شاء الله تتحرر عن قريب ؟

- اكتب كلام مبسط عن هؤلاء الاعضاء بس بصراحه وبدون كسوف ولا اي احراج
همسات - سوار - ميمي ( الغائبة عنا هاته الأيام ) - محمد المصري - إبراهيم - نادية - كريم

-ماذا تفعل لو انت ماشي وظهرلك ذئب بلاش اسد فجاه هتعمل ايه ؟ شويه تخيلات كده ههههههه

- ايه اكتر شئ بتحب؟

- اكتر شئ بتكره؟

-ما هي نظرتك للحياه بصفه عامه ؟

- ما هو المكان المفضل لك ؟

أتمنى اني مطولتش عليك او تكون اسالتي رخمه
ولي عوده اخرى ان شاء الله

أخوك كـــريم

ماهو تقييمك لهذا المنتدى بصراحة ؟
المنتدى جميل ومواضيعه حلوه بجد وانا بادخل واستفيد منها

- ما هو اقتراحك الذي تتمنى ان يحدث في هذا المنتدى ولم يحدث الى الان ؟

اقتراحي انا قلته قبل كده ان الاعضاء يلتقو في دردشة المنتدى ليتعرفو على بعض اكتر

- هل ملابس الشخص امامك تؤثر فيك لتأخذ عنه انطباع ؟؟

لا طبعا بس الشخصيه اللي قدامك بتتعرف حتى لو لابس ملابس اي كلام
بتعرفه من كلامه من نظراته من وقفته يعني فيه حاجات كتير بتحدد الشخصيه

- ماالذي يلفت انتباهك بسرعة في المرأة لكي تعجب بها ؟

بجد عيونها (ههههههههههههههههههه )

- ما هو اكتر شئ بتخاف منه ؟

الظلم

- هل بيهمك راي الناس فيك ؟

اكيد بالرغم من انه فيه ناس ما يهمني رايهم

- هل دائما بتتعامل بطبيعتك ؟

اه والله وباتصرف بتلقائيه

- ما هو اكتر شئ بتتمنه غير تحرير فلسطين وان شاء الله تتحرر عن قريب ؟

اني احس في يوم ان الشعب العربي كله ايد واحده

- اكتب كلام مبسط عن هؤلاء الاعضاء بس بصراحه وبدون كسوف ولا اي احراج
همسات ( باخاف منها ومن تعليقاتها )- سوار ( الرزينه )- ميمي ( الغائبة عنا هاته الأيام ) ( وردة المنتدى ) - محمد المصري ( حبيب قلبي ) - إبراهيم ( الصديق )- نادية ( ما اعرفها جامد بس شكلها مرتبه ومثقفه )- كريم (الشخص الذي اتمنى رؤيته والحديث معه )

-ماذا تفعل لو انت ماشي وظهرلك ذئب بلاش اسد فجاه هتعمل ايه ؟ شويه تخيلات كده ههههههه

انا مش حاتخيل بس اقولك والله فيه يوم كنا في الزرع وباليل وقاعدين تحت شجره والدنيا ضلمه والجو شتا ومن بعيد شفت خيال ذئب المهم كان معاي واحد وكان معانا سلاح الي ولما قرب مننا اتغطينا وما ظهر مننا إلا وجهنا وصوبنا السلاح اتجاه الذئب وفضلت موضه السلاح اتجاهه لغاية ما بعد عننا وطبعا الله لايحطكم مكانا
لاننا خفنا نضرب عليه نار ما تاجي فيه من الخوف وبعدين يهجم علينا وياكلنا اكيد
- ايه اكتر شئ بتحب؟

احب العطور والديكورات

- اكتر شئ بتكره؟

الكذب وعدم الوفاء بالوعد

-ما هي نظرتك للحياه بصفه عامه ؟

نحن في الحياه كعابري سبيل
واي موقف يحصل لي باتخيل نفسي كاني فيه فيلم بامثله والكاميرات حولي بتصور وانا البطل

- ما هو المكان المفضل لك ؟

البيت وخصوصا مع الاسره

انت يا اخي كريم انا باستمتع جدا وانا باجاوب على اسالتك وانا باجاوب عليها باحس كاننا جالسين على طاوله وفيه كاميرا بتصور
والمخرجه همسات ومحمد المصري قاعد على كرسي بيضحك وسوار الياسمين ماسه عصى ورايحه ناحية محمد المصري وميمي قاعده من بعيد بتقول يا عيني يا عيني
وناديه ماسكه ورقه مش عارف بتكتب ايه ورشيده قاعده تحت شجره بتتكلم في التليفون وسماره بتجري مش عارف ليه وابراهيم جاي من بعيد

نـ الجنس : عدد المساهمات : 65

السلام عليكم

اخى الدندراوى ازا ما كان الصديق يستحمل صديقه فى كل بلويه الكويسه منها والمش كويسه

وانتى عارفنى باضحك ليه ومفيش داعى للعصا الى مع سوار واذا سالتنى حقول وانتى الى جبته لنفسك حبيبى

وربنا يديم المحبه

منووووووووووور كرسي الاعتراف أخي أبو محمد
مش ح طول عليك سؤالي بسيط جدااااا
على هوى ردك على أسئلة كريم
بتخاف من تعليقات همسات ليه بقى
و الله دي طيبة جدااااااااااا
إسألني أنا

الاجابه على سؤالك اختي سوار الياسمين

شفتي الموظف المصري ايام الروتين لما كان يقول فوت علينا بكره ياسيد

ويرحله بكره يقوله فوت علينا بكره يا سيد

اهو همسات زي الراجل ده

علطول تقول

الموضوع مكرر ياسيد

طيب حاقولك على شئ مضحك بجد

انا نزلت موضوع اختراع دجاج بدون ريش يمكن انتي قريتيه ومنزله في مكانه الصح ما لقيت حاجه تنقضها

بعتتلي رساله خاصه وقالتلي يا دندراوي اعزرني انا حانقل الموضوع في مكانه الابتكارات وانت حاطه في قسم المطبخ رديت عليها وقلتلها يا اخت همسات انا حاطط الموضوع في مكانه الصح ردت برساله بتضحك فيها وقالت معلش انا ما اخذت بالي انه نازل صح

طيب تقولي عليها ايه اختك همسات

وحتى اساليها

الله يسامحك يا ابو محمد هو ده رايك فيا بردو؟؟
هو هداك الموضوع كان مضحكك للدرجة دي يعني.. مع انو بسيط جدا
ههههههههههههههههه

بعدين الي يشوف كلامك يقول كل يوم وانا بنقل
طيب قسم المواضيع المكررة قدامك اتصفحو
وشوف قديش انا طيووووووووبة ومسااااااااالمة

:flower:
حتى ابقى اسال سوار ههههههههههههههه

وبعدين يا سيدي لازم الصرامة في بعض الاحيان والمواقف والا حيبقى منتدى بس نوع ثاني
حتى انك مدير منتدى مثلي وادرى بالامور دي
صح ولا لالالالالالا

في ختام هذا الاسبوع الجميل والحافل بالخير

احب ان اشكر الاخ ابو محمد وكل الاخوة الذين شاركونا بطرح الأسئلة

اخوتي الكرام الاوفياء دوما لمنتدى مرهف الاحساس للهمسات الراقية الى هنا سينتهي هذا المشوار الحافل بالامجاد و الذي تعرفنا فيه اكثر على الأخ و الصديق العزيز على قلوبنا الأخ الدندراوي تلك الشخصية الجميلة داخليا و المحبوبة لدى الجميع و الذي رسم لنا ما يراود شخصيته على منتدانا هذا .
اخوتي اسعد الله اوقاتكم و السلام عليكم و رحمة الله تعالى و بركاته .